🌺🌲🍎 کومله 🍎🌲🌺
کُومَلَه ، اوی کُومَلَه
چَقد خوب بود او قدیم!
بونَه هَندِه مو بیام
بَینَم، تی چوشم و دیم؟
بَگردم باغ و بیجار
شَلَنگه، تی زردِکند
کندِسر و تی دامون
میعزیزی دیلِ بند!
پَرتخال باغونِ مِئن
عَیدِ گردش بَموجیم
دیلِ غمَه فوکونیم
دریا میان، بُوروجیم
گرمِ پَئیز بَنیشیم
بأ زاکون، ایوونِسر
بوخوریم چَنتَه چایی
بَزَئنیم گب بأ صفر
نهارَه باقلَه قاتوک
ماهیی شور،بَشکنَه ماس
تورفِ وَلگ، سیر تورشی
دِ. تی دیل هرچِی بَخواس
تی بهار و تاوسون
تی پَئیز و زموسون
دَپِیتَه هوا میان
چَپْرَدَه ، تأ دَر.آسون
تی سَلَه کوت.کوتونَه
خورَه بَه بُو بَکونم
اِ.رَه،او.رَه بَنیشم
هَمَه بَه رُو بَکونم
تأ بُدونَن دِ. چَقَد
تو قشنگی کُومَلَه..!
که تی سَرِ، آسمون
هَمَشک نیل بِه نیلَه..!
#پاییز۱۳۷۰
🌱🍊🌳🌱🍊🌳🌱🍊🌳🌱🍊🌳
#حسین -شهاب-کوملهای
